Kenangan B-day ku di Red Gate

Yang tadi itu curhatku di usia ku yang makin tua....
Nah sekarang..aku pengen mengingat-ingat segala kenanganku di hari ultah selama diriku bernaung di Red Gate.

Kalo nda salah.. birthdayku yang pertama kali di Red Gate, di umur yang ke-20. Waktu itu dirayakan bareng anak-anak Red Gate keme-keme di Bakmie Singapore.
Sampe akhirnya aku ngerayain ultahku yang terakhir di Red Gate di ultahku yang ke 24.

Banyak tradisi-tradisi yang dilakukan Red Gate Girls...
Qt inga dulu, ada serangan tengah malam dari penghuni Red Gate, setiap ada yang ulang tahun. Termasuk qt lei dorang serang di tengah malam buta, pas orang lagi asyik-asyik tidur, mimpi indah...eh...napa ada yang toki-toki ta pe pintu kamar, mo bapaksa masok (nen tau diri sekali dorang e....... ;p).
Buka kamar langsung disambut dengan lilin, oleh anak-anak RED GATE, sambil dorang menyanyi Happy Birthday (so sweet banget ya...nih anak-anak ;)). Mar sebelum itu disiram pake glitter, berhubung yang suka bekeng glittter qt, jadi qt agak bebas dari siraman glitter, soalnya kalo dorang yang buat, tuh glitter pe besar-besar sekali, gampang mo dikaseh bersih.
Hehehehehehe......
Kong so mulai baribut-ribut di kamar dorang samua, makang-makang tu cemilan deng kaseh kotor tuh yang birthday pe kamar.
Qt inga waktu itu kasiang qt depe esok mo UTS, ya noh..tuh cewe-cewe ini dang...terutama dibawah asuhan suhu batman "Monca" baganggu sampe pagi...... dorang nda kaseh qt mo tidur, dorang suruh qt rupa dorang 'insomnia' nda boleh tidor sampe pagi. Hiksss...hikss....tega sekali dorang.....
Deng waktu itu juga sangking ramenya, kong torang dapa marah dari opa (kong torang jadi tadiam samua), mar opa so tasalah... dia kira tuh torang ada ba ribut diatas..padahal.....ASLI!!!! nda ada orang sama sekali dia atas, tuh penghuni di atas ada di bawah samua.
HAHAHAHAHAHAHAHA..............................

Ada juga....nda tau ta pe ultah yang ke berapa, anak-anak Red Gate baku siram di kost, sampe tuh kost basah semua.
Deng tuh air siraman bervariasi mulai dari rendaman baju sebulan, rendaman cd, fanta so expired, air kamar mandi, air es, air sumur...samua-samua jo dorang ada pi siram pa qt....
Sampe ta pe mata so tamerah-merah kasiang.....
Mar waktu itu nda cuma qt yang basah.... sesuai dengan motto Red Gate ONE FOR ALL, ALL FOR ONE - jadi samua harus basah. hehehehehehehe....
Tapi nda cuma itu aja yang bikin heboh.....kalo ga salah sampe hebohnya kita sampe kejar-kejaran ke luar kost, dan alhasil para tetangga-tetangga keluar rumah...kong dorang tanya "ada apa???" dorang kira stou ada kejadian apa stou-ada pengejaran maling ato ada yang bakalahi, padahal.....HEHEHEHEHEHEHE......


Qt inga tuh kejadian itu ada di dokumentasikan di Rini pe hape toh itu, kong datang torang pe gila-gila, torang bekeng rupa acara siraman, hehehehehehehe......
Habis itu torang baku lucur-lucur di lantai deng di tampa dudu beton, rupa anak-anak kacili jo.
Hahahahahaha..jadi tatawa tek qt disini.....
Gara-gara itu kasiang kong qt dapa muntah ular.....
Memang pe kekanak-kanakan sekali torang ehhh.....

Kong ada tradisi depe malam makang martabak manis deng malabar, plus coca-cola.... deng camilan-camilan lain. Samua tuh makanan di taruh di atas meja setrika, kong sang ahli sejarah somo ambe depe foto,ato hp yang ada foto, kong mulai bajepret-jepret kesana.
Mar sebelum makang, torang ada berdoa bersama (biar torang gila-gila kasiang mar masih inga pa Tuhan), mar tuh yang berdoa itu-itu jo depe orang.
Habis itu lampu dimatikan kong tiup lilin (nda ada kue tart, cuma pake lilin hehehehehehe...), sambil yang laeng menyanyi lagu Happy Birthday, kong pas mau tiup lilin, yang lain menyanyi lagunya Vic Chou "Make A Wish" kong qt dorang suruh wish sesuatu sebelum tiup lilin.
So Sweet banget for qt saat itu.... (",) dan sampai sekarang nda mungkin mo lupa.
Kalo boleh mo pilih mana yang lebeh berkesan pesta ultah yang meriah ato ultah deng tamang-tamang, biar cuma sederhana mar ba gila-gila. Qt lebeh pilih yang kedua, soalnya lebeh terasa maknanya.....
Pokoknya so sweet tenderly deh.... (^,^)
Adoh..kalo so bagini, somo dapa inga dulu-dulu te qt, jadi kangen te qt deng ngoni samua, deng torang pe gila gila dulu.

Qt nda mo lupa pa ngoni, biar mungkin dulu torang pernah ada baku marah-marah, mar tetap ngoni so jadi bagian dari qt pe hidup yang ga terlupakan.
(Bage katu ta pe kata-kata hehehehehe.....)

I miss u all, girlsss.....
Thank u so much for being my friend. (",)