Yihaaaaaaaa!!!!!!!

Yeahhhhhh.........
Pala is back again.......

Btw.....sapa kang yang tulis Pa kabar itu???
nda ada isinya deng nda tau penulisnya siapa......

Qt ada baca ngoni pe tulisan-tulisan...biking kangen do.....
Semalam qt ada baca qt pe salah satu diary (nah..dapa tau kalo tuh diary pe banyak sekali) selama tinggal di RGG kesana......

Hahahahahahaha.....(belum bacarita so tatawa)
Salah satu cerita yang qt baca waktu torang ada bausir setan di Gina pe kamar (masih inga nda???), qt nda perlu sebut depe orang neh.......
yang jelas dari qt pe tulisan..torang samua malam itu pe heboh...sekali...... sampe riki batelpon pa Pak Honny kesana.
Hahahahahahahaha....... pe lucu-lucu sekali tuh cerita.
Ada Monik yang manangis sambil berdoa deng bapegang tuh cewe pe tangan, ada Ita yang tadinya qt ada ajak pa dia for mo babantu mar dia tolak, tapi akhirnya dia mau juga, ech...masok-maso kamar langsung dia ba tengking-tengking kesana padahal tadinya dia bilang dia nda siap, sedang qt lia pa dia jadi heran...hehehehehe.... peace Ta...), kong ada juga pergulatan antara tuh cewe deng Itin (rupa Smack down), Vivi yang juga nda tau kiapa stou dia ada pegang tu cewe pe kaki, kong so berlutut kesana (tako stou dia....), kalo Gina sich yang jelas dia pe kamar jadi berantakan hehehehehehehehehehe.......
Dan peran antagonis pun ikut serta dalam cerita itu, nensi yang menjengkelkan tiba-tiba datang, kong dia ada suruh torang tanggung jawab.... (huh......), bekeng torang makin bete lia pa dia malam itu.
Pokoknya heboh banget deh......

Terus cerita lain lagi...waktu torang rame-rame ke Pantai Malalayang, bagaya mo ba rekreasi kesana..........
Di qt pe diary da tatulis..anak-anak RGG pagi-pagi so bakumpul deng baribut-ribut di dapur, memasak rupa jago-jago..... padahal hasil masakannya juga cuma Nasi goreng deng bumbu instan ato Mie Goreng instan (Anak Kost banget!!!!!)
Sampe di Malalayang banyak hal-hal lucu yang terjadi........ qt suka mo cerita ulang noh..mo kaseh inga ulang tuh kejadian-kejadian lucu, mar so talalu banyak, deng qt lei so lupa. hehehehehehe....... pokoknya lucu-lucu deh...
Belum lagi torang dapa kenalan cowo, yang akhirnya baantar torang pulang (lumayan jo gratis hehehehehehehe)
Pokoknya hari itu semuanya senang........ sampe-sampe torang pe muka-muka samua so rupa kepiting rebus........ kena sinar matahari........
hahahahahahahaha...........

Ya begitulah sedikit ulasan torang pe pengalaman bersama, yang qt ambe dari ta pe diary.
Adoh.....so kangen qt mo bale Manado kong bakost ulang deng ngoni.........

Miss u all Girls...........